Die Erlebnis-DVDIhre Fahrt in Bild und Ton

Ballonfahrt von zu Hause – Tielen-Steinsieken

in Ballonfahrt-Berichte verschlagwortet mit , ,

Ballonfahrt von zu Hause. Zuhause ist der Ort Tielen bei Erfde im Kreis Schleswig -Flensburg.

Un tohuus wurrd platt snackt is doch woll klaar.

Wenn du di mal so en Lien denkst. So twischen List un Lübeck. Un villicht noch en tweete de Glücksborg mit Glückstadt verbinnt. Un villicht noch de Nummer dree tüschen Sankt-Peter-Ording un Kellenhusen bi Dahme an de Oostsee. Denn hest du mit düsse bekannt Orienteerenspunkten uns Geschicht vondaag gau funnen.

Nu hett dat bald dörtig Jahr duurt, bet wi endlich eenmal nau ut de Midden vun Sleswig-Holsteen start. Sozusagen ut de Mitt af dör de Mitt. Moin moin, mien Herr heet dat ok hier, wenn een sik mal so to ’n Ünnerhollen dröpt. Ganz neddenständig starten wi vun de eerst kort vergahn Huuskoppel, de woll mit goot en Hektar richtig groot aver mit dörtig Meter in Windricht ok ganz schmal is. De Wind kummt meist unverbremst vun de Noordsee un de Eichenknk bütt uns goot Schuul. Schuul op de een Sied aver gliektietig droht de knorrig Äste bi’n Start nah de pendelnd Hüll to griepen. Un wenn dat funkscheneren schölen, is mal ganz gau de Füürwehr vun Nööt, üm de slappen Hüll mit so lütt Schaden as mööglich ut de Kronen to redden, wiel sik en Ast an dat Dreihventil vergrepen hett.

Dat wüllen wi verhinnern un finnen den exakten Platz för den Korv eerst nah de darte Runn. Wi schkt beter de Kronenleinenmannschap dör dat Hecklock rut op de Kreisstraat5! Dor mööt sowiet ens mal verbremst wurrn, denn in‘ Südoosten löppt gliek de Eider. Wenn een nich jüst mit dat Ballon anreist, is Tielen bloot vun Noordwesten över Arv to recken. Geografisch befinnen wi uns also eegentlich all in Noordfreesland. Man klaar, üm keen Grenzposten antostellen, wurr egens de Kreis Sleswig-Flensburg kreiert.

Goot oppassen mööt wi Toogreisten ok bi’n Ümwannern op uns Startplatz, üm nich unverwacht merrn irgendwo reintotreden. Bi de Inwahners geiht dat düütlich automaatsch un vullstännig fehlerfree.

„Över all Wöpeln is Roh“. Schön würd dat? Sülvst merrn in de Wöpel vun de Bööm is noch ordentlich Bewegen un wi kieken noch en beten Löcker in de Luft.

„Un wo töövt wi nu noch op?“ , hier sütt man dat mit den Wind düütlich entspannter. Jüst de nächste Fraag is, wat wi denn wat verstahn würrn, wenn in ’n Korv Plattdüüt snackt warrt. Ok keen Ahnung, wi maakt dat hier ook to’n eersten Maal. Mit en grooten Deel vun de hüüdig Crew sünd wi all vergangen Jahr ünnerwegens wesen. En störmsch Stohmannenstart in Treia wurr also gliek to’n Anlaat nommen dat sülvige doch mal tohuus natomaken.

Dat geiht los. De Mannschap an de ümmer noch kort Kronenlehnen gifft allens. Allens, so dat sik de Hüll kontrolleert opstellen kann un ok rohig blieven blifft, bet wi afheben köönt.

Tohuus vun baven – dar kriggt een eh keen Woort tüschen. Of nu platt oder hoochdüütsch is kumpleet egaal.

Kurs Owslag 15 Knütt. Keen Sorgen över de Sorge un in Meggerholm hebbt wi ok nich gemeckert. En dörweg fröh Luftfohrt. Blots över den groten Moor faken respektvull Swiegen. Goot mööglich, dat in de Historie, de een oder de ännern bi den letzten Spazeergang mit den lütten swarten Hund in Moor un Daak verswunnen is un nu as Moorgeist oder Moorhex (ahn Hund) elk Barg vun Spaß op Lager hett. Dat Moor is hier König un heet ok jüstso. Twüschen Christiansholm un Friedrichsholm freuen wi uns över de Richtige Snelligkeit. Ungebremst geiht dat över de nächste Hööftstraat. Wi laten den Hohner See in ’n Süden vörbi un recken Tetenhusen. Völ ehrliche Göhl op de grönen Weden. Doch an dat Gröön vun den grooten Golfplatz dar achter lüggt man sück schienbor gegensiedig de Taschen vull. Merrn in ’n Sorgwohld liggen hett man sik „Club-Lohersand“ op de Fahnen schrieven ?

Süüdlich vun Owslag överföhrt wi aver noch de Iesenbahnstraat un söcht uns noch vör de Autobahn7 en passen Koppel. Goot versteken un schienbar bloot vun Süüdosten över Steensüüken to recken.Keen Probleem för de erfahrenen Verfolgungen vondaag. De hügelig Landschap vun de Hüttener-Bergen darachter bütt bi en gau Fahrt meist nich noch to bruken Landmööglichkeiten. Un vondaag wüllt wi nich all weer in Hütten lannen. Buterdem hörrt dat denn ok all eendüdig to den Kreis Rendsburg-Eckernförde. Allerdings harrn wi vondaag en grenzenlos schöön Fohrt. Ok ahn Spraakbarrieren. Un wenn, denn gifft dat ümmer noch all mööglich Översetters.    Andreas Kühl

Das Kommentieren für diesen Inhalt ist deaktiviert.

Spam | Papierkorb

Bitte empfehlen Sie uns weiter.

Inhalt drucken